KEE 77

Lirik Kitab Ende-Enden GBKP No. 77

Keleng Ate Tuhu-Tuhu

1.

KELENG ATE TUHU-TUHU 

NUSUR SURGA NARI NGE 

BENGKET KU BAS PUSUH KAMI 

RINGAN BAS TENDINGKU E 

2.

KERIAHEN TUHU-TUHU 

IBAS SURGA ME KEPE 

KUGEGEHI ME UKURKU 

JE ME MALEM ATE E 

3.

KESENANGEN DINGEN DAME 

REH BAS YESUS NARI NGE 

SAMPAT AKU O TUHANKU 

LAH UKURKU SENANG ME 

4.

PEGEGEHI KESIKELKU 

NASAP DOSA TEMAN E 

PEDAH E BAS TUHAN NARI 

E ME MAN IKUTEN NGE 

5.

SABER ATE DINGEN DAME 

REH BAS TUHAN NARI NGE 

NDEMI PUSUH RAS UKURKU 

LALAP RINGAN ME I JE 

6.

KELENG ATE NI TUHANKU 

NGERAJAI PUSUHKU MIN 

SI NALUKEN GEGEH DOSA 

GELAH MENANG AKU KIN 

7.

O TUHANKU DIBATANGKU 

TUMPAK TUMPAK AKU MIN 

GELAH JUMPA AKU DENGGO 

RAS SI ENGGO MENANG KIN

Si Nusurkenca: Gr. Ag. N. Sinuraya

KEE 76

Lirik Kitab Ende-Enden GBKP No. 76

Kulebendu Dibatangku

1.

KU LEBENDU DIBATANGKU 

AKU NEMBAH RJIMPUH PE 

DENGKEHKEN LAH MIN TOTONKU 

NEN ILUHKU MABUR E 

2.

KU UKURI ME LAGUNGKU 

DOSA NARI KRINA PE 

NGGO TERBUANG WARI-WARI 

LA KUPERGUNAKEN PE

3. 

RUSUR NARI AKU LALAR 

NGAKU AKU O TUHAN 

AMIN GIA AKU KRISTEN 

DOSA LALAP NGE KUBAN 

4.

PERBAN E ME KUTUNGTUNGKEN 

‘KURKU BANDU O TUHAN 

RAS MEKUAH MIN ATENDU 

SASAPLAH DOSANGKU MIN 

5.

KUIKUTKEN ME AJARNDU 

SENDAH SEH ME LALAP E 

TEGU AKU O TUHANKU 

LAH TETAP JINGKANGKU PE 

6.

DI RAS KAM O DIBATANGKU 

PELCIK ME UKURKU PE 

KAM ME KAPEN MAN TEMANKU 

LANAI MBIAR AKU PE

Si Nusurkenca: Gr. Ag. N. Sinuraya

KEE 75

Lirik Kitab Ende-Enden GBKP No. 75

Tetapkenlah Ukurta

1.

TETAPKENLAH UKURTA 

NGIKUTKEN YESUS E 

SI GELEMLAH PEDAHNA 

TUTUS ATETA PE 

PIHER TENDINTA PE 

BAN IA PENALEMEN 

KESUSAHEN I DONI 

TALU I BAN NA PE 

2.

PERTIBI ENDA MASAP 

ISINA K’RINA PE 

NGGO NDEHER KEDUNGEN NA 

PAKSANA SEH ME PE

TUJUNTA K’RINA MIN 

KU SURGA RUMAH BAPA 

I JE ME INGAN SENANG 

RAS TUHAN LALAP JE 

3.

PIHERKENLAH UKURTA 

NGELAWAN DOSA E 

PINTERKENLAH DALINTA 

NGIKUTKEN YESUS E 

KESIKEL DOSA E 

EM KAP MAN TADINGENKEN 

TUDU RAS KATA TUHAN 

SI NGEPKEP KITA KIN

Si Nusurkenca: Gr. Ag. N. Sinuraya

KEE 74

Lirik Kitab Ende-Enden GBKP No. 74

Perlawesku Kempak Pardis

1.

PERLAWESKU KEMPAK PARDIS 

JE ME SION E 

KU GEGEHI ME DAGINGKU 

GELAH SEH KU JE 

KASA ABAT BANGKU E 

KUSILAHKEN K’RINA PE 

GELAH SEH ME KU BAS SURGA 

INGAN SENANG JE 

2.

NGGO TERBEGI MAN TENDINGKU 

SORA RENDE JE 

KUPINTERKEN ME DALINKU 

KUBAS INGAN E 

DI TERPANTO DALIN E 

BENE KAP BAGINNA JE 

KUTANDINGKEN, KUTUNDALKEN 

SI NGABATI E 

3.

O, TUHANKU SAMPAT AKU 

‘RDALIN NDAHI KAM 

BAS LATIHKU NGARAP AKU 

ISAMPATI KAM KAM

 

NGGEGEHI UKURKU E 

LAH NUNDALKEN DONI E 

BAHAN SANGAP, BAHAN PULAH 

AKU ME KEPE 

4.

LA `KU NGASUP LA GEGEHKU 

NG`LAWAN MUSUH E 

TEGU AKU CIKEP TANKU 

GELAH SEH ME JE 

BERE GEGEH BANGKU E 

KU PINTERKEN ME KU JE 

PERDALINKU KEMPAK SURGA 

INGAN LALAP JE

Si Nusurkenca: Gr. Ag. N. Sinuraya

KEE 73

Lirik Kitab Ende-Enden GBKP No. 73

Yerusalem Kuta I Datas E

1.

YERUSALEM KUTA IDATAS E 

KU JE UKURKU PE 

SI KEL KU E REH TEGUHNA KU JE 

JUMPA RAS TUHAN E 

NDAUH I DONI NARI 

DATASEN EMBUN PE 

KUJE BULAT UKURKU 

PENGULIHENKU JE 

2.

NDIGAN NDIA WARI MERIAH E 

MIN ATAN AKU PE 

I JE ME KAP NGGINTAR UKURKU E 

MALEM ATEKU JE 

DIBATA SI ERBANCA 

IBAN LIASNA NGE 

SIKAPKENLAH UKURTA

BERKAT KU KUTA E

Si Nusurkenca: Gr. Ag. N. Sinuraya

KEE 72

Lirik Kitab Ende-Enden GBKP No. 72

Perlajang Kapen Kita

1.

PERLAJANG KAPEN KITA 

IDAS PERTIBI E 

DI KUTA PENGULIHEN 

I SURGA ME KEPE 

2.

`DI REH PAKSANA BERKAT 

KALAK PERLAJANG E 

LA DOREK JE ERBANGKEL 

TERUS `RDALIN ME KU JE 

3.

MAN KALAK SI ERNALEM 

KU TUHAN YESUS E 

NGGO SIKAP INGAN BANA 

BAS KESENANGEN E 

4.

DAGE TUNDALKEN GELAH 

KUBAS PERTIBI E 

ALAKEN KEMPAK SURGA 

JE INGAN TETAP E

Si Nusurkenca: Gr. Ag. N. Sinuraya

KEE 71

Lirik Kitab Ende-Enden GBKP No. 71

Teman Si Sada Perukur

1.

TEMAN SI SADA PERUKUR 

SI NDARAMI SENANG JE 

KU BAS YESUS LEGI UKUR 

MAKA JUMPA DAME E 

IA KAPEN IKUTENTA 

KITA KAP NGAWANNA E 

TUHAN YESUS KAP GURUNTA 

KITA AJAR-AJARNA E 

2.

TANDA PERKUAH ATENA 

MBAGES RAS MEGANJANG PE 

BEKAS PERKELENG ATENA 

LA TERSIPATI KEPE 

I TEMANI DIBATANTA 

BAN KELENG ATENA E 

TUHAN YESUS PE TEMANTA 

KITA SI TEK BANA E 

3.

KAM ME SI PERSADA KAMI 

K’RINA SI TEK BANDU E 

GELAH SIKELENG-KELENGEN 

NGIKUTKEN PEDAH NDU E

 

TUDU KUBAS KEBENAREN 

E ME KAP ATE NDU PE 

KAM ME JADI PENALEMEN 

GELAH KAMI LA BENE

Si Nusurkenca: Gr. Ag. N. Sinuraya

KEE 70

Lirik Kitab Ende-Enden GBKP No. 70

Ku Surga Tingkahku

1.

KU SURGA TINGKAHKU 

KERINA SUSAHKU 

LA KAP DONGKEL E 

UKURKU LA MALEM 

DI LA AKU ERNALEM 

MAN TUHAN KEPE 

2.

DI DALIN NGE PICET 

KINISERAN NGKICAT 

BIARKU LALIT 

BAN YESUS TEMANKU 

SI NCIKEP KAP TANKU 

BENE LANAI NGGIT 

3.

E TUHAN PESUSUR 

TERANGNA KAP RUSUR 

GELAH ME TETAP 

KUDAHI DAHINKU 

TETAP KA DALINKU 

REH GIA GELAP 

4.

E RUMAH BAPANGKU 

TERIDAH MAN BANGKU 

MESIKEL KU JE 

I JE ME RAJANGKU 

MELIAS MAN BANGKU 

DI TUTUS KEPE 

5.

LIT ABAT KIN BANGKU 

DI RUMAH BAPANGKU 

KUDAHI TETAP 

REH JENDA GELAPNA 

REH JADAH SANGAPNA 

KU JAH AKU KAP

Si Nusurkenca: Pdt. E. J. Van Den Berg

KEE 69

Lirik Kitab Ende-Enden GBKP No. 69

Kataken Man Yesus

1.

KATAKEN MAN YESUS DI MELUNGUN KAM 

TEH NA KAP SUINDU I BRE NA SENANG 

TO DAHIKEN IA DI MESERA KAM 

NGGIT IA NAMPATI MAKA KAM SENANG

2.

DI DAT KAM PENGAPUL ARAH YESUS E 

MULIH LAH ERMENGKAH PUJI IA PE 

DAHI PE TEMAN NDU SI MELUNGUN KA 

NINDU SI JERA NGE I ALOKEN NA

Si Nusurkenca:Pdt. J.Wijngaarden

KEE 68

Lirik Kitab Ende-Enden GBKP No. 68

Dahindu Si Mbelin Tuhan

1.

DAHIN NDU SI MBELIN TUHAN 

KERAJANG KAMI PE 

BAN KAMI SI MADA KERAJAN 

LA MASAP LALAP E 

TAPINA BAGI PAGE ME 

GELAH ERSULI TURAH PE 

E MATE KAP BENIH LEBE 

BAGE PE KAMI K’RINA NGE 

NGGIT MATE PE 

LAH TURAH PAGE NGE 

2.

DALIN NDU IBAS DONI E 

O, TUHAN MESERA 

ENGGO ME ITEH KAMI PE 

PENDUNGI GOLGOTA 

DI TERGEJAP SERANA KIN 

GEJAP PE PERMENANGNA MIN 

DI KITA JUMPA RAS PAGIN 

MIN ATAN BAS KINIULIN 

NGGIT KAMI PE 

NGIKUTKEN DALIN E 

3.

DI KAM BAGI BENIH KAP E 

KUBUREN DUNGNA KIN 

LANG KEGELUHEN LALAP NGE 

K’RAJANGKU ME PAGIN

 

MIN SURUH AKU JAPA PE 

M’RITAKEN KEGELUHEN E 

LAH ISE PE NGAKUKEN ME 

DI TEK DE ATAN ME KEPE 

NGGIT KAMI PE M’RITAKEN BANA E

Si Nusurkenca:Pdt. E. J. Van Den Berg

KEE 67

Lirik Kitab Ende-Enden GBKP No. 67

Doni Enda Kuperangi

1.

DONI ENDA KUPERANGI 

TALU AKU LANG 

SABAB RUSUR PENAHANGI 

TUHAN AKU KANG 

DI TOTONKU LA I KURANGI 

`RBEBE AKU PANG 

2.

PENGARAPEN DONI MASAP 

LA NTEGUH KEPE 

PEMETEH LA TAHAN KUAKAP

 MASAP RAS BENE 

SILA MASAP ASA LALAP 

KEKELENGEN E 

3.

ERTA DONI LA ERGUNA 

BAN KERI ME KAP 

NGGO GEJAP MIN LA PERLUNA 

BARANG SI GELAP 

ERTA SURGA SI TUHUNA 

SABAB E TETAP 

4.

SEH SIDIKKU O, TUHANKU 

BANDU ME PUJIN 

SABAP ITEGU KAM TANKU 

E MENANG PAGIN 

ADI ME TEPAT PERBAN KU 

SURGA PENGADIN

Si Nusurkenca:Pdt. E. J. Van Den Berg

KEE 66

Lirik Kitab Ende-Enden GBKP No. 66

Useken Min Tuhan

1.

USEKEN MIN TUHAN 

KESAH NDU SI BADIA 

MAN KAMI RAS TEMAN 

DI PULUNG JAPA GIA 

AJUKLAH KAMI PE 

MEGEGEH RAS NTEGUH 

LAH IBAS KAMI PE 

KESAHNDU ENGGELUH 

2.

SANGAP WARINA E 

NGGO NDEHER ME PAKSANA 

BANGSA I JAPA PE 

PUJINA SI BADIA 

B’RE MAKA KAMI PE 

ERSIKAP O, TUHAN 

KAM KAP SI MADA PE 

KUASA KEMULIAN

Si Nusurkenca:Pdt. J. H. Neumann

KEE 65

 

Lirik Kitab Ende-Enden GBKP No. 65

Dibata Si Mbelin Kuasana

1.

DIBATA SI MBELIN KUASANA 

PEJORE MIN RANANKU E 

DI KALAK LA TERTEK KATANA 

CARINA SAJANG GUNA BANA 

EMAKA KUAKUKEN PE KAM 

DIBATANGKU KAM 

2.

BAGI TERBUANG AKU KAPEN 

KAM TUHAN SI METEHSA E 

KUASA NDU PALAS PENGARAPEN 

NGGO GIA AKU KEGELAPEN 

RAS ATEKU MEKELEK NDELE 

LA AKU KAP BENE 

3.

PENUSURLAH KAM SI MEKUAH 

TERANG NDU RAS BENAR NDU ME 

TARUHKENLAH AKU KU RUMAH 

BADIA E LAH AKU LUAH 

EMAKA KAM KUPEHAGA PE 

DIBATANGKU E 

4.

KUDAHI RUMAH PERSEMBAHEN 

UKURKU JORE RAS TETAP 

RAS TUHAN SUMBUL KERIAHEN 

NGGO NGADI K’RINA KESUSAHEN 

BAN E MAKA AKU MUJI KAP 

KELENGNDU GEJAP

Si Nusurkenca:Pdt. E. J. Van Den Berg

KEEE 64

Lirik Kitab Ende-Enden GBKP No. 64

 Sada Nge Permakan Kap

1.

SADA NGE PERMAKAN KAP 

SADA NGENCA PE RARASEN 

KAM PERLAJANG MIN TETAP 

MAKA BANDU REH TANGKASEN 

KEKELENGEN TUHAN E 

SI PERMAKAN TUHU PE 

2.

NDAUH ME DENGA WARI E

MAKA KITA RSADA RASSA 

LANG ME REH DEHERNA PE 

ADI KITA TEK IBASSA 

LATIH ADI PAPAK ME 

SANGAP ADI RAS KAP E 

3.

KAM PERMAKAN LAMPAS REH 

SI NGGO LALAR PEMULIHKEN 

MA KU SURGA IA REH 

DI ATENA LA MULIHKEN 

SAMPAT MAKA RSADA ‘KAP 

O,PERMAKAN SI TETAP

Si Nusurkenca:Pdt. E. J. Van Den Berg

KEE 63

 

Lirik Kitab Ende-Enden GBKP No. 63

Keleng Atenndu Min Gejap

1. 

KELENG ATENDU MIN GEJAP 

BAS AKU O, TUHAN 

KAM PENEBUS NDARAMI KAP 

SI NGGO ME KEDOSAN 

2.

KAM TUHAN SI BADIA 

NGE DOSANGKU LALAP LIT 

KU SILATENGKA UKURKU PE 

KU BUJUR LA AKU NGGIT 

3.

BIAK KU KAP ERBAN MEDU 

BAN E LANAI KUTEH 

PELAIN-LAIN PAGIT RAS NTEBU 

KU JAPA PE LA SEH 

4.

TAPINA KUAKUKEN ME 

SALAHKU K’RINA PE 

MEKUAH MIN ATENDU PE 

LAH MASAP DOSA E 

5.

KAM BENGKET KEMATEN KAP PE 

LAH AKU ENGGELUH 

ARAPKU LIT LANAI BENE 

PADAN NDU KAP NTEGUH

Si Nusurkenca:Pdt. E. J. Van Den Berg

KEE 62

Lirik Kitab Ende-Enden GBKP No. 62

Min Lalap Kam Inganku Tuhan

1.

MIN LALAP KAM INGANKU TUHAN 

KAM YESUS BATANG ANGGUR NGE 

GEGEH NDU MALER MIN KU DAHAN 

DI LANG BENE KAP AKU PE 

KESAH NDU BENGKET AKU MIN 

GELAH ERBUAH AKU KIN 

2.

DI BULUNG SAJA NGE TERIDAH 

BUAHNA LANG LA RGUNA KAP 

OH BUNUH MIN DI DAHAN TURAH 

SI LA METUNGGUNG LA TETAP 

KUTEH BELUH NDU NEKTEK E 

GELAH ERBUAH AKU PE 

3.

LA DOREK KUB’RE GEGEH BANGKU 

REMBAK NDU SI PERLUNA MIN 

MAKANA JORE KERAJANGKU 

MA ARAH KAM GEGEHKU KIN 

KESAH NDU BENGKET ME GELAH 

LAH OLA DAHAN JADI K’RAH 

4.

KATAKEN KAMLAH TEPTEP WARI 

ULIHILAH MEGATI PE 

SI LA BAS AKU MATE NARI 

DI DAHAN K’RAH KU API ME 

B’RE MAKA KAM INGANKU KAP 

RAS LA NGASUPKU ME GEJAP 

5.

LA KAL ATEKU SIRANG TUHAN 

K’RAJANG NDU AKU LALAP ME 

KELENG ATE NDU ME KU NANAM 

GEGEHNDU MIN GELUHKU PE 

GEGEH NDU TERBELIDEN MIN 

BAS AKU LAH ERGUNA KIN 

6.

ADI BAGE ERKETUAHEN 

TENDINGKU REH TEGUHNA KAP 

SI PICET ARAH KESUSAHEN 

KUAKAP LONGGE RAS TETAP 

SINI BAS MUTIK ERBUNIN 

E JADI TANGKAS ME PAGIN

Si Nusurkenca:Pdt. E. J. Van Den Berg

KEE 61

Lirik Kitab Ende-Enden GBKP No. 61

Nggo Jumpa Ras Perkuah Ate

1.

NGGO JUMPA RAS PERKUAH ATE 

ME TUNGGUNG GIA AKU LANG 

IBAN SI E LA AKU MATE 

EMAKA ATE KU MEGEDANG 

PERKUAH ATE TUHAN KIN 

PERKUAH ATE TUHAN KIN 

MAKANA AKU TERKELIN 

MAKANA AKU TERKELIN 

2.

PERBAN MELALA ME DOSANGKU 

UKUMNA BANGKU BUJUR NGE 

TAPINA BAN DAHIN TUHANKU 

NGGO MASAP K’RINA DOSA ME 

DAREHNA I AMBURKEN NA 

DAREHNA I AMBURKEN NA 

LAH DOSA I MASAPKEN NA 

LAH DOSA I MASAPKEN NA 

3.

PERKUAH ATE TUHAN NARI 

PENALEMEN KU SAJA E 

KUPUJI TUHAN E GUNDARI 

SI NGINGET AKU LALAP ME 

EMAKA LAS UKURKU PE 

EMAKA LAS UKURKU PE 

NGIKUTKEN LALAP TUHAN E 

NGIKUTKEN LALAP TUHAN E 

4.

LA DOREK I GULUTI M’AKU 

NTAH ISE ENTAH KAI PE KAP 

KU ARAP NARING MAN TUHANKU 

TOTONKU BANA PE TETAP 

LA MBIAR AKU KEMATEN 

LA MBIAR AKU KEMATEN 

BAN TUHAN YESUS KEKE KEN 

BAN TUHAN YESUS KEKE KEN 

5.

OLA KAL ERLEKA RAS AKU 

LIAS ATENDU O, TUHAN 

DI REH DE PAGI ME SIPATKU 

ERSADA ME RAS KAM LAH BAN 

DAGE KUPUJI KAM KEPE 

DAGE KUPUJI KAM KEPE 

BAN JUMPA LIAS ATE E 

BAN JUMPA LIAS ATE E

Si Nusurkenca:Pdt. E. J. Van Den Berg

KEE 60

Lirik Kitab Ende-Enden GBKP No. 60

Bapa Si Perkuah Ate

1.

BAPA SI ERKUAH ATE 

TATAP KU LIAH KU E 

SABAB AKU NARUS MATE 

BAPA SI ERKUAH ATE 

TATAP KU LIAH KU E 

JORE MIN LAH LA BENE 

2.

KAM SI NGIDAH ME JAHATNA 

SINI BAS PUSUHKU E 

MAKA MEKELEK BERATNA 

KAM SI NGIDAH ME JAHATNA 

SINI BAS PUSUHKU E 

SI ERTAMBAH-TAMBAH PE 

3.

OH,GELUHKU ME TERAMBUR 

BAN BENE UKURKU E 

KERIAHENKU TERTAMBUR 

OH,GELUHKU ME TERAMBUR 

BAN BENE UKURKU E 

RAS MELALA DOSA PE 

4.

PERTOTONKU RAS ILUHKU 

BAGI SI LA MENTAS PE 

TAMBAH PICET KAL PUSUHKU 

PERTOTONKU RAS ILUHKU 

BAGI SI LA MENTAS PE 

TEMPA PITUT DALIN E 

5.

REH BAGESNA KUORATI 

REH BAGESNA KUGEJAP 

MANAI AKU TERSAMPATI 

REH BAGESNA KUORATI 

REH BAGESNA KUGEJAP 

TALU NARI AKU KAP 

6.

NGARAP NARI AKU BANDU 

KAP PENAWAR SI TETAP 

LUAH M’AKU BEKAS TANDU 

NGARAP NARI AKU BANDU

KAP PENAWAR SI TETAP 

AJARENNDU BUJUR KAP 

7.

KAM PEMATANG KINITUAH 

SI NGELAMI DOSA E 

BAHAN MAKA AKU LUAH 

KAM PEMATANG KINITUAH 

SI NGELAMI DOSA E 

MALEM MIN ATEKU PE 

8.

TUHANKU BEGI TOTONKU AKU 

SEH TEGULAH MIN 

LA METUNGGUNG PEMINDONKU 

TUHANKU BEGI TOTONKU 

AKU SEH TEGULAH MIN 

KAM SI TUHU PELIMIN 

9.

PENGADI-NGADINKU ENDA 

KAM KAP BAS MATEKU PE 

EME PENGARAPEN JENDA 

PENGADI-NGADINKU ENDA 

KAM KAP BAS MATEKU PE 

LANAI MBIAR AKU E

Si Nusurkenca: Pdt. E. J. Van Den Berg

KEE 59

Lirik Kitab Ende-Enden GBKP No. 59

Keleng Atendu Tangkas Bangku

1.

KELENG ATE NDU TANGKAS BANGKU 

SI KU PUJIKEN LALAP MIN 

KAM TUHAN YESUS ME RAJANGKU 

SI ERKELENG MAN BANGKU KIN 

MADIN KELENG ATE NDU KUINGET 

ASANG K’RAJANGKU ME TERSI.....NGET 

2.

KAM SI NDARAMI AKU RUSUR 

TEDEH ATENDU AKU E 

BENA-BENANA AKU NGKUSUR 

KAM NARI NALUKENCA PE 

IPILIH KAM ME KAP TENDINGKU 

KUPILIH KAM PE MAN TUHAN.....KU 

3.

KUTEH KAM NARI PENGARAPEN 

DI SIRANG KITA E MEDU 

LIT GIA KUASA LAIN TETAPEN 

UKURKU E DI KAM NEGU 

LAH SABER ATE KERAJANGKU 

KUINGET LALAPLAH TUHAN........KU 

4.

GELAR NDU E TERSURAT KAPEN 

TUHAN IBAS ATEKU ME

LAH AKU SANGA KEGELAPEN 

NTAH KERIAHEN KAI KAI PE 

NTAH RUKUR,NTAH NGERANA GIA 

TETAPLAH E LA SIA-SIA

Si Nusurkenca:Pdt. E. J. Van Den Berg

KEE 58

Lirik Kitab Ende-Enden GBKP No. 58

Tuhan Dibata Nehen Kami Jenda

1.

TUHAN DIBATA 

NEHEN KAMI JENDA 

NEMBAH MAN BANDU 

KAMI KRINA JENDA 

NEHEN MAN KAMI 

SI MERIAH JENDA 

ALOKEN KAMI

Si Nusurkenca: Pdt. M. Joustra

KEE 57

Lirik Kitab Ende-Enden GBKP No. 57

Nggo Kita Pulung I Lebe

1.

NGGO KITA PULUNG I LEBE 

TUHANTA SI MBELIN 

ERSADALAH TOTONTA E 

RAS ‘NDE-ENDEN PUJIN 

2.

O,TUHANKU SI NASA LIT 

‘RPEMATANG IBAS KAM 

E BANCI KIN LA KAMI NGGIT 

MEHAGA NDAHI KAM 

3.

AJAREN BUJUR MAN PAKEN 

NGGO SEH KU KAMI KAP 

TERUSLAH MIN KU PERATEN 

LAH UKUR NGGO TETAP 

4.

LIAS NDU NUSUR ME GELAH 

LAH ATE ENGGEDANG 

KU PERDIATEKEN LAH PEDAH 

KUPAKE DALIN TRANG

Si Nusurkenca: Pdt. M. Joustra

KEE 56

Lirik Kitab Ende-Enden GBKP No. 56

Bapa Si Perkuah

1.

BAPA SI PERKUAH 

B’RE MIN KAMI TUAH 

IBAS T’RANG AYO NDU MIN 

KAMI ‘RDALIN ERDAHIN 

2.

B’RE MIN TEPTEP WARI 

DAME BAS KAM NARI 

AKU BAN KESAH NDU E 

REMBAK MIN KU KRISTUS PE 

3.

KITA AJAR-AJAR NA 

PUJILAH GELAR NA 

NGENA KAL ATENA KAP 

M’REKEN TUAH SI TETAP

Si Nusurkenca: Pdt. M. Joustra

KEE 55

Lirik Kitab Ende-Enden GBKP No. 55

O, Tuhan Reh Kam Min

1.

O,TUHAN REH KAM MIN, KU KAMI KA 

DI LA KAM ISE KIN, BANCI NGENA 

AJARI O,TUHAN KAMI SI PERDOSA KA 

MAKA SI NGGO TEK RAS KAM, LA ERLEKA

2.

B’RE SI PENGAPUL MIN, KU KAMI REH 

LAH ‘NDE-ENDEN PUJIN, BANDU KA SEH 

UKUR SAMBARI LAH, CIDAHKEN KUASA PE 

SUSURLAH MIN O,KESAH BADIA E

Si Nusurkenca: G. Smit

KEE 54

Lirik Kitab Ende-Enden GBKP No. 54

O, Tuhan Cikep Tanku

1.

O,TUHAN CIKEP TANKU, TEGULAH MIN 

SEH ME GELAP MATANGKU, TERJAGA KIN 

LA DOREK ME ERDALIN SISA KEPE 

EMAKA KAM O TUHAN MIN REMBAK PE

2.

TENDINGKU I KAWALI, KAM TUHAN E 

GEGEHI TEP-TEP KALI, UKURKU PE 

KU PITPIT ME MATANGKU, TARUHKENLAH 

DI AKU O, TUHANKU LALIT KESAH 

3.

O,TUHAN CIKEP TANKU, TEGULAH MIN 

TANDE GELAP MATANGKU, TEMANI MIN

KU SURGA ME TINGKAHKU, BAGE ULIN 

KAM TUHAN,PENATAHKU, LA ‘RKRI-KERIN

Si Nusurkenca: Pdt. E. J. Van Den Berg

KEE 53

Lirik Kitab Ende-Enden GBKP No. 53

Pesikap Kam K’Rajangndu

1.

PESIKAP KAM K’RAJANGNDU E 

BAN TUHAN YESUS REH 

MELIKAS MIN UKURNDU E 

BAN TUHAN YESUS REH

 

PESIKAP K’RAJANGKU KIN 

O, TUHAN LAH KITA JUMPA MIN

2.

TADINGKEN KAM DOSANDU E 

BAN TUHAN YESUS REH 

NGGO MASAP ME SALAHNDU E 

BAN TUHAN YESUS REH 

PESIKAP K’RAJANGKU KIN 

O, TUHAN LAH KITA JUMPA MIN

3.

GUNDARILAH I JENDA ME 

SASAPKEN DOSA MIN 

LAH OLA KAMI MBIAR PE 

DI JUMPA RAS PAGIN

 

PESIKAP K’RAJANGKU KIN 

O, TUHAN LAH KITA JUMPA MIN 

4.

UKURKU, PERATENKU PE 

PEMOBAR TUHAN MIN 

PEHULI LAGU LANGKAH E 

LAH JUMPA RAS PAGIN 

PESIKAP K’RAJANGKU KIN 

O, TUHAN LAH KITA JUMPA MIN

Si Nusurkenca: Pdt. E. J. Van Den Berg

KEE 52

Lirik Kitab Ende-Enden GBKP No. 52

Idilo Raja Ginemgemna

1.

IDILO RAJA GINEMGEMNA 

MEDALE KAP SORANA E 

O, YERUSALEM REH ME IA 

SI BUJUR ME RAJANDU E

 

MEHULI SAJA PERATENNA 

REH PAKSA TUAH EM BRITANA 

O ISRAEL NGAMBUR RUDANG MIN 

ALOKEN K’RINA MIN RAJANDU 

RAS SURUH KASAKAI ANAK NDU 

E NDAHI KRISTUS ENDA MIN 

2.

ENGGO GIA SEH WARI TUAH 

LA I ALOKEN ISRAEL 

PERBAN SI E ISRAEL LA LUAH 

MAKA TEK IA IMANUEL 

MBELIN ME KAPEN PERKUAH NA 

TENGKULUK DURI EM UPAHNA 

RAS KEMATEN SI PAGIT KAP 

TAPINA KITA SI MAN BANA 

E KITA NARE KU BAPANA 

IJEM INGAN NA SI TETAP 

3.

KINIRAJAN NA TAHAN LALAP 

PALASNA BATU SI NTEGUH 

SEDANG GEMGEMEN DONI MASAP 

GEMGEMEN YESUS ENGGELUH

 

O, GURU, KAM SI MEHULINA 

KAM MUAT UKUR JELMA K’RINA 

KINIKEKELENGEN NDU MENANG 

BAGE PE KAMI SI NI JENDA 

SINI BAS DOSA MBARU KAP 

ENGGO IBABA KAM KU T’RANG

Si Nusurkenca: Pdt. M. Joustra

KEE 51

Lirik Kitab Ende-Enden GBKP No. 51

E Lalap Min Ras Kami

1.

E LALAP MIN RAS KAMI 

LIAS NDU PE TUHAN 

LAH LANAI I LIAMI 

LA TENGKA PERCUBAN 

2.

RAS KAMI KATANDUNA 

TUHAN, PENAWAR PE 

GELAH MAN KAMI ‘RGUNA 

GUNDARI PAGI PE 

3.

RAS KAMI MIN SINALSAL 

MAN TENDANG KAMI KAP 

LAH KAMI PE TERKAWAL 

BAS DALIN SI GELAP 

4.

LAH TANGKEL KINI TUAH 

IBAS SI MUSIL KAP 

PERBAN KAM SI MEKUAH 

BAYAKNDU E GEJAP 

5.

JAGAI MIN KAMI ENDA 

KAM GEGEH KAMI PE 

AMBATI MUSUH JENDA 

LAH KAMI LA BENE 

6.

DI TANGKEL RUSUR KAPEN 

TETAP NDU GEL-GEL KIN 

KAM NARI PENGARAPEN 

ANAK NDU TUTUS MIN

Si Nusurkenca: Pdt. E. J. Van Den Berg

KEE 50

Lirik Kitab Ende-Enden GBKP No. 50

O, Seninangku Mari

1.

O, SENINANGKU MARI 

TEKNARI BEN MEKAP 

LAH DI GELAPEN KARI 

ATETA ME TETAP 

OTA DALIN KEN LAH 

LANAI BO KAP NDAUHSA 

SI IDAH KARI BAPA 

IBAS RUMAH NA ‘JAH 

2.

LA LIT ERKADIOLA 

SI MILIH DALIN E 

TAH PAPAK PE MB’RA OLA 

LALIT PE SI BENE 

DI NJULUS GIA PE 

TETAPKEN PERATEN NDU 

PERNEHEN KU LEBE NDU 

MA PINTUN SURGA E 

3.

TAH LATIH GIA KITA 

BAN BONGKAK-BANGKIK JE 

TAH LUKA PE NAHENTA 

I BAHAN DURI PE 

LAIN DALIN KAP LALIT 

SI IKUTLAH TUHANTA 

BAN IA ME TEMANTA 

BENE PE LANAI NGGIT 

4.

USURILAH SENINA 

SI NARUH KAPEN JE 

JA KEHARUN REH BANTA 

I GEGEHI NA PE 

T’RANG ADAH NEHENLAH 

MA SIANG AYO BAPA 

NGGO UKUR JADI SAPA 

SI DAHI BAPA JAH 

5.

DALINKENLAH GUNDARI 

LANAI NDAUHSA KAP 

DEHERNA REH TIAP WARI 

KU INGAN SI TETAP 

DI SIDALANEN KIN 

JE SISAMPAT-SAMPATEN 

JE KESENANGEN DATEN 

I SURGA PE PAGIN 

6.

LANAI NDEKAH SERANA 

MEGENGGENG KITA MIN 

NGGIT NDEHER ME JANGKANA 

SI JUMPA PENGADIN 

JE BENGKET SURGA PE 

JE JUMPA RAS TEMANTA 

JE NGADAP MAN TUHANTA 

JE LALAP KITA E

Si Nusurkenca: Pdt. E. J. Van Den Berg

KEE 49

Lirik Kitab Ende-Enden GBKP No. 49

Bagi Perhuma Nimai Nari

1. 

BAGI PERHUMA NIMAI NARI, 

BEKAS LATIH NA MERDANG PE. 

BAGE PE SI TIMAI KAP WARI, 

MAKANA SEH SIPATTA E. 

LAH KINITEKEN OLA MASAP, 

INGANTA JENDA LA TETAP. 

LAH INGAN PAGI MIN SIAKAP, 

NGGO NDEHERKU BAS KITA KAP. 

2.

RAS K`RISTUS KITA PAGI LALAP, 

LANAI KAP KESUSAHEN JE. 

KU JE TETAP MIN KITA NGARAP, 

SI NGARAP E JUMPASA PE. 

LA NDAUHSA NARI PERJUMPANTA, 

UKURTA MIN DAGE TETAP. 

TETAP BAN LIAS NI TUHANTA, 

BEKAS DAHIN GOLGOTA KAP. 

3.

DI TEK KIN, ‘RGUNA MAMANG RUSUR? 

MA KATA TUHAN SI TETAP? 

NGGO GIA UKUR KALAK ‘RKUSUR, 

LABO BAGE UKURNA KAP. 

SABAB LA ‘RSIBAR KUASANA, 

SI NASA LIT GELEMNA NGE. 

KAI PE ATENA I BAHAN NA, 

SENTUDU RAS KUASANA PE. 

4.

AJAREN PENGARAPEN ENDA, 

NETAPKEN ATE RUSUR NGE. 

NCUKUPI KEKURANGEN JENDA, 

PELONGGE PERUKUREN PE. 

NGAJARI NGGENGKEN IBAS SUSAH, 

NGGEGEHI IBAS PENGUJIN. 

SABAB DI RAPIT LALAP DOSA, 

PENGARAPENTA NAMPAT MIN. 

5.

E PENGARAPEN KAP MAN BANTA, 

TEMANTA TARE MIN KU DAS. 

MAN SI ERNALEM MAN TUHANTA, 

KINISERANNA LA ‘RBEKAS. 

O, KESENANGEN LA ERSIBAR! 

O, KERIAHEN SI TETAP! 

JAH LANAI INGET DALIN LALAR, 

JAH JUMPA RAS DIBATA KAP.

Si Nusurkenca: Pdt. J. H. Neumann

KEE 48

Lirik Kitab Ende-Enden GBKP No. 48

Tuhan Yesus me Rajangku

1.

TUHAN YESUS ME RAJANGKU, 

SI M`RE BANGKU, 

RINGAN IBAS SURGA PE, 

KAI KIN JENDA KEKURANGEN. 

KESENANGEN, 

BANGKU IBAS INGAN E.

2. 

SAKIT, DOSA, KESALAHEN, 

KESUSAHEN, 

I PEBIAR AKU E. 

BANCI GULUT UKUR NDIA? 

GELAP GIA, 

REH TERANGNA ME KU JE. 

3. 

TAH BENE ME PENGARAPEN? 

LABO KAPEN, 

JADI REH TEGUHNA KAP. 

NGGO ME LIT PADAN TUHAN KU, 

TETAP BANGKU, 

NGGO PADAN NA ERSEKAT 

4. 

TUPUNG PICET KAI KUBAHAN? 

LA KU TAHAN, 

SANGA NGUJI TUHAN E. 

MA KUGENGKEN KESUSAHEN, 

DI RIAHEN, 

SURGA ASANG DONI PE. 

5.

PAKSA PERCUBAN REH NGUJI, 

E KUPUJI, 

PENAWARKU SI TETAP. 

TAH MESERA KERAJANGKU, 

SEH KA BANGKU, 

NGARUH TUHAN CUKUP KAP. 

6.

DAGE UKUR, TENDI KAPEN, 

MA TETAPEN, 

REMBAK RAS RAJANGKU MIN. 

MAKA TANGKAS PERATEN KU, 

SEH MATEKU, 

GINEMGEM NA AKU KIN.

Si Nusurkenca: Pdt. J. H. Neumann

KEE 47

Lirik Kitab Ende-Enden GBKP No. 47

Yesus Kristus Maba Tuah

1.

YESUS KRISTUS MABA TUAH, 

KU KERINA DONI E, 

KITA NGUDA TAH METUA, 

OTA LAWES KU IA PE. 

MAKA KITA DAT SENANG, 

RAS UKURTA JADI T`RANG. 

2.

LA KAP KITA SAJA NEMBAH, 

MAN TUHANTA YESUS E. 

TAPI RUSUR TAMBAH T`REM NA, 

SI NGGIT NGADAP BANA PE. 

SEH KU TAMPUK DONI KAP, 

BENGKET T`RANGNA KU GELAP. 

3.

PAGI MULIH KA TUHANTA, 

RAS MALEKAT IA REH. 

TANGKAS JE KEMULIAN NA, 

KERAJAN NA NGGO KAP SEH. 

K`RINA IMBANG RAS TEMAN, 

DAHNA TUPUNG E TUHAN. 

4.

TEPTEP WARI REH DEHERNA, 

MAKA TUHAN YESUS REH. 

TUTUSLAH MIN PERTOTONTA: 

KERAJAN NDU LAMPAS SEH! 

OTA RASKENLAH TEMAN, 

MABAI KALAK KU TUHAN

Si Nusurkenca: Pdt. M. Joustra

KEE 46

Lirik Kitab Ende-Enden GBKP No. 46

Dibata Kap La Lit Gelap

1.

DIBATA KAP, LALIT GELAP, 

T`RANG NARI NGENCA IA. 

DI KITA KIN, SI TEH NGE MIN, 

SALAHTA LA TERKIRA. 

2.

T`RANG BINTANG PE, 

MEHULI NGE, 

NDAUH KAP ULIN DIBATA. 

DI KITA KAP, 

IBAS GELAP,

KAI NARI KIN GUNANTA? 

3.

DI TUHU E, 

KATA NA NDAI, 

KAI KIN ERTINA KITA? 

DI INGET E, 

MA NGGO BENE, 

BAN `RSALAH KEMPAK IA? 

4.

KUJA PA KIN, 

UKURKU MIN? 

KU KAM DIBATA SAJA. 

BAN YESUS E, 

ENGGO MESAI, 

DALINKU NDAHI BAPA. 

5.

TEK NG`AKU MIN, 

NGGIT ME `RDAHIN, 

BAGE PE KURANG KUIDAH. 

TETAPKEN LAH, 

UKURKU KA, 

LAH OLA AKU NILAH.

Si Nusurkenca: Pdt. M. Joustra

KEE 45

Lirik Kitab Ende-Enden GBKP No. 45

O, Tendingku Sipilah

1. 

O,TENDINGKU SIPILAH 

SANGA PAKSA ENDA 

SABAB SETAN SI NGERAH 

NGGIT ME KAM CUBAI NA 

INGET E SETAN PE 

NGGIT NGULAHI KITA 

TENGETI LAH IA 

2.

LA KAP IULANGNA KAM 

REMBANG RAS NGE IA 

TEMPA-TEMPA NANDE KAP 

IA NJAMU KITA 

TEK DAGE 

BANA PE 

I KEPKEP NA KITA 

MALEM ME ATETA 

3.

TAPI KEKE ME LEBE 

BAS DOSA NDU NARI 

ADI LA KAM MEDAK E 

LIT UKUMEN KARI 

TUPUNG E 

NGGIT ME PE 

MESERA KAL KARI 

BAN LANCENDU NARI 

4.

JAGA RAS ERTOTOLAH 

JORE MIN UKUR NDU

OLA PEDEKAH-DEKAH 

KARI KAM MEDUNGU 

SIKAPLAH 

LA NDEKAH 

ARU ATE MASAP 

IMBANG K’RINA MERAP

Si Nusurkenca: Pdt. J. H. Neumann

KEE 44

Lirik Kitab Ende-Enden GBKP No. 44

Endesken Min Kerina

1.

ENDESKEN MIN KERINA 

KESUSAHEN NDU E 

MAN DIBATA NTA YAHWE

MELIAS IA PE 

TUHAN ME SI METEHSA 

PERTIBI RAS SURGA 

ADI TUHAN RAS KITA 

TETAP ME UKURTA 

2.

NGARAP AKU MAN BANDU 

O, YAHWE DIBATA 

IJE MAN BANGKU TUHU 

LIAS NDU CUKUP KA 

E LA KAP LIT GUNANA 

AMIN KELSEHEN KAM 

ERTOTO ME DALANNA 

GELAH TERAPUL KAM 

3.

DIBATA SI PERKUAH 

ITEHNA K’RINA NGE 

SI BUJUR RAS LA TENGKA 

IBAS UKURTA E 

SI NGENA JUJURKENNA 

MAN BANTA RUSUR PE 

PEDAUHNA SI LA TENGKA 

LAH KITA LA BENE 

4.

ERNALEMLAH MAN BANA 

MAN DIBATANTA E 

TADINGKEN K’RINA DOSA 

RAS CEDA ATE PE 

I PERSAN NA ME K’RINA 

KEBERATEN NDU E 

PEDAS ISAMPATI NA 

NGANGKAT SUSAH NDU E 

5.

B’RE MIN I PESIKAP NA 

LAGU LANGKAH NDU E 

KEPENTAREN UKUR NA 

NJUJURKEN K’RINA E

 

TONDEL KIN NGE UKUR NA 

LAKO MULAHI KAM 

JE I PETANGKASKEN NA 

GEGEH NA E KU KAM 

6.

KAM ME O, TUHAN KAMI 

PENGADI K’RINA MIN 

SI NGGIT NUHSAHI KAMI 

RAS SI NGULAHI KIN

 

SEH LAH MIN KUBAS TAN NDU 

KERINA KAMI E 

KU SURGALAH TEGUN NDU 

MIN TENDI KAMI E

Si Nusurkenca: Gr. Ag. N. Sinuraya

KEE 43

Lirik Kitab Ende-Enden GBKP No. 43

Nggo Talang Kap Surga

1.

NGGO TALANG KAP SURGA, 

BAN KAI NGE NDIA. 

IBAN NGGO REH YESUS 

DILONA KAM PE 

IBAN NGGO REH YESUS 

DILONA KAM PE 

2.

SUMPAMA KACEMBA, 

GARANA DOSA. 

DAREH TUHAN YESUS, 

SI NASAPKENCA. 

DAREH TUHAN YESUS, 

SI NASAPKENCA. 

3.

DOSANTA BABANA, 

KU GOLGOTA E. 

I JE I SAI KEN NA, 

UTANGTA KEPE. 

I JE I SAI KEN NA, 

UTANGTA KEPE. 

4.

DI CEDA UKURNDU, 

IBAN DOSA E. 

KU YESUS KAM NGENDES, 

I APULNA KAM E. 

KU YESUS KAM NGENDES, 

I APULNA KAM E. 

5.

DAGE O, TENDINGKU, 

KU YESUS KAM REH. 

MERIAH UKURNA, 

NGALOKEN KAM SEH. 

MERIAH UKURNA, 

NGALOKEN KAM SEH.

Si Nusurkenca: Gr. Ag. N. Sinuraya

KEE 42

Lirik Kitab Ende-Enden GBKP No. 42

Tuhanta Yesus E

1.

TUHANTA YESUS E I SURGA, 

NIKAPKEN INGAN BANTA KIN. 

BEGIKEN KATA TUHAN BANTA, 

JANAHNA TEK LAH KITA MIN. 

KATA NA KAP PENGAPUL E, 

MAN KALAK SI TEK BANA E. 

2.

DI TEMAN IBAS DONI KEPE, 

NDARAMI UNTUNG BANA KIN. 

DI TUHAN YESUS LABO KAPEN, 

TAPINA NGK’LINI KITA NGE. 

KATANA KAP PENGAPUL E, 

MAN KALAK SI TEK BANA E. 

3.

IBAN KEKELENGEN NA BANTA, 

LAWESNA KU DAS GOLGOTA. 

I TAHANKEN NA SI MESERA, 

G’LAH KITA OLA BENE KA. 

KATANA KAP PENGAPUL E, 

MAN KALAK SI TEK BANA E. 

4.

PERUKUR JELMA MANUSIA, 

E MOBAR-OBAR RUSUR NGE. 

DI TUHAN YESUS LABO KAPEN, 

KATANA RAS KELENGNA NGE. 

KATANA KAP PENGAPUL E, 

MAN KALAK SI TEK BANA E. 

5.

O, YESUS KAM ME TEMAN KAMI, 

TEGULAH KAMI K’RINA MIN. 

RAJAILAH GEGEH UKUR KAMI, 

BABAILAH SEH KU SURGA KIN. 

KATANA KAP PENGAPUL E, 

MAN KALAK SI TEK BANA E.

Si Nusurkenca: Gr. Ag. N. Sinuraya

KEE 41

Lirik Kitab Ende-Enden GBKP No. 41

Kuga Perbahan Kami

1.

KUGA PERBAHAN KAMI, 

ME TUNGGUNG NGADAP KAM? 

O, RAJA SURGA DONI, 

SI MADA KERAJAN. 

SAGANI IBAS KAMI, 

TENDANG KESAHNDU E. 

LAH PAYO ISIPATI, 

SI NGENA ATE NDU E. 

2.

NGGO KAMI NGENANAMI, 

KUASA ILAT E. 

REH KAM NEBUSI KAMI, 

NANGTANGI KAMI PE.

IDAHI KAM SI MUSIL, 

MEREKEN KEMULIAN. 

LAH SI MEDUNGU TAMPIL, 

KU SURGA IBAN KAM.

 

3.

GELAH MAN KAMI DAME, 

REH KAM KU DONI E. 

NADINGKEN KEMULIANNDU, 

RAS JADI MUSIL PE. 

IBAS TANEMEN NARI, 

BAS MARA KEK’LESAN. 

I ANGKAT KAM KAP KAMI, 

KUBAS KEMULIAN. 

4.

DAGINA OLA MBIAR, 

LA NGGINE UKUR PE. 

TUHANTA NIMBAK K’RINA, 

NGANGKATKEN KITA PE. 

REH IA KAP KU JENDA, 

ATENA ERKELENG.

PELAWES IMBANG K’RINA, 

SI NGUPUH KITA NGE. 

5.

REH NGUKUM IA GIA, 

SI NIMBAK LALAP KAP. 

BUEN LIAS ATENA, 

MAN KALAK SI JERA. 

OH, REHLAH, REHLAH TUHAN, 

LEGI ANAK NDU MIN. 

KU RUMAH BAPA SURGA,

IJEM LIT PENGADIN. 

6.

KERNANA DOSANDU NA, 

OLANAI ARU KAM. 

I PELASAM NA K’RINA, 

LANAI MELUAT KAMI.

 

KEREHENNA MELIAS, 

PENAWAR IA KAP. 

MASAPKEN BISA DONI, 

LAH DOSA K’RI LESAP. 

7.

KELENG ATENDU KAPEN, 

SI NURUH NUSUR KAM. 

NADINGKEN BAPA SURGA, 

BENGKET KEMANUSIAN. 

PUJIN, PUJIN MAN BANDU, 

O, RAJA KAMI E. 

I SEHKEN KAMI RUNUT, 

SEH RASA LALAP PE.

Si Nusurkenca: Pdt. J. H. Neumann

KEE 40

Lirik Kitab Ende-Enden GBKP No. 40

Ibas Surga Me Senang

1.

IBAS SURGA ME SENANG, 

JE MERIAH JE TERANG. 

JE SI PUJI ME TUHANTA, 

JE KAP JUMPA RAS TEMANTA. 

JE ME LONGGE UKUR KANG, 

IBAS SURGA ME SENANG. 

2.

O, YESUS TARUHKENLAH, 

KAMI E KU SURGALAH! 

DOSA, ABAT SI MBELINNA, 

TAPI KAM ME KAP DALINNA. 

BAN I SASAP KAM KEPE, 

DOSA, SALAH KAMI E

Si Nusurkenca: Pdt. E. J. Van Den Berg

KEE 39

Lirik Kitab Ende-Enden GBKP No. 39

Si Persilahangken Bana

1.

SI PERSILAHANGKEN BANA, 

LA I ERGA IA PE. 

MBIAR MAKA SURA-SURA, 

SEH ME DINGEN JADI PE. 

TALU GIA SENDAH KIN, 

TENTU NGE MENANG PAGIN. 

2.

TAPI BIAK MANUSIA, 

LABO LEMBAP ME KEPE. 

LABO NGIKUT-NGIKUT IA, 

SABAB LIT ATENA ME. 

PERATEN NA SI BAGE, 

E IBUNUH TUHAN PE. 

3.

KAI GIA KERAJANGKU, 

SI NGENA ATEKU KIN. 

TEDEH ATE RAS ERTANGKU, 

K'RINA KRAJANG TUHAN KIN. 

BABAH TAN RAS UKUR PE, 

SURGA ME EMPUNA E. 

4.

DI NGORATI KAI ERGUNA, 

BANTA IBAS DONI E. 

MAN SI TEK LALIT PERLUNA, 

TUHAN LAH METEHSA ME. 

BUJUR RAS MEHULI KIN, 

TUHAN NIKAPKENCA MIN.

5. 

KUGA GIA KERAJANGKU, 

LAH TERPUJI KAM BAPA! 

LABO KAI PE GIA BANGKU, 

CUKUP KENCA SI NGENA. 

KAM, TUHAN TERPUJI E, 

AKU LABO KAI KAL PE.

Si Nusurkenca: Pdt. E. J. Van Den Berg

KEE 38

Lirik Kitab Ende-Enden GBKP No. 38

Kam Si Erceda Ate Mari

1.

KAM SI RCEDA ATE MARI, 

I TENAHKEN TUHAN KAM. 

NGGIT LEPAS PAKSANA KARI, 

ADI MELAWENCA KAM. 

TO JERALAH ROBAH MIN, 

BANCI KAM LA MALEM KIN? 

TUHAN YESUS NDILO KAM. 

2.

TAH NGGO LUKA BAN DOSANDU? 

YESUS PENAWARTA KAP. 

PINDO BANA TAMBAR TUHU, 

LAH MEJUAH-JUAH KAM. 

OLA MELA DAHILAH, 

YESUS SI MELIAS KAP, 

TUHAN YESUS NDILO KAM. 

3.

OLA NINDULAH 'MBELINCA, 

LA TERSASAP DOSA E

DAREH TUHAN NASAPKENCA, 

SALANGSAI UTANGNDU PE. 

OLA SIMBAK DAHILAH, 

BAN TUHANTA KAM PULAH, 

TUHAN YESUS NDILO KAM. 

4.

TAMBAH KERIAHEN SURGA, 

DI KAM REH E ROBAH KA. 

RENDE MALEKAT KERINA: 

"LIT KA SADA SI JERA". 

OLA LAWAN KESAH E, 

SI NGIAHKEN KAM KU JE, 

TUHAN YESUS NDILO KAM.

Si Nusurkenca: Pdt. J. H. Neumann

KEE 37

Lirik Kitab Ende-Enden GBKP No. 37

Pemena Si Tersengget

1.

PEMENANA SI TERSENGGET 

DUNGNA KAP MEHULI KA 

EM PERBAHAN DIBATANTA 

BAS ANAKNA SI NGENA 

PERUKURNA KAP GANJANGEN 

LA KAP LIT SI MAN PANDANGEN 

PERBAHAN NA PE ULIN 

AMIN LA SI GEJAP KIN 

2.

PERDALIN NA LA TERAMBANG 

SEHKENNA SEH DUNGNA PE 

TAMA GUNA LA TERALANG 

TAMA PUJIENNA PE 

NGGIT TERLUDA PE UKURNDU

NGGIT PE GULUT PERUKURNDU 

TAPI 'SI MEGENGGENG KAM 

PULAH KAP KINISERAN 

3.

PEMENANA PE RAS DUNGNA

IBAS TAN DIBATA KAP

SUSAH UKUR LA ERGUNA

TANGIS PE LA ERGEJAP 

ASAKAI BENAKEN BAPA, 

NGGIT MERIAH, NGGIT ME MARA. 

TEK LAH DUNGNA K'RINA E, 

TAMA KESENANGEN PE. 

4.

DAGE OLA BEBER ATE, 

TUPUNG REH SI MESERA. 

PIHER UKUR TETAP ATE, 

LALAP NINDU : "O, BAPA!"

SABAB SI SO KESENANGEN, 

JADI PAGI KEMENANGEN

MAKA NGAKU DUNGNA KAM, 

PELEPAS DIBATA 'RBAN.

Si Nusurkenca: Pdt. J. H. Neumann

KEE 36

Lirik Kitab Ende-Enden GBKP No. 36

Saberlah Tendingku

1.

SABERLAH TENDINGKU, TUHAN NDU REH 

K'RINA S'RA SUINA, BANALAH PESEH 

ATENDU KAP, GELGELLAH TETAP 

KENCA KELEGOEN UDAN REH ME KAP 

TUMPAT PE UKUR PETIR GELAP 

TENGAH KEGUGUREN JE TUHAN KAP 

2.

SABERLAH TENDINGKU, TUHANNDU REH 

K'RINA S'RA SUINA, BANALAH PESEH 

UKUR NERA, TUHAN JE KAP KA 

IA SI MBELIN NA ARAP DAGE KA 

KAM SI TETAP KAL SI LALAP JE 

K'LINI MIN O, TUHAN TENDINGKU PE

Si Nusurkenca: Pdt. J. H. Neumann

KEE 35

Lirik Kitab Ende-Enden GBKP No. 35

Erta Si Meherga Lalap

1.

ERTA SI MEHERGA LALAP 

EM PEDAH TUHANTA KAP 

E KU TEH LA BANCI MASAP 

MAN PAKEN KU SI TETAP 

TENTU LATIH SUSAH AKAP 

SI MEKARUS MAN PEDAH

LABO AKU ATE PAPAK 

KU BUNIKEN E GELAH 

2.

PERTOTONKU KU TUHANKU 

IA BUJUR RAS TETAP 

IA SI NEGU KAP TANKU 

PERKELENGNA KUGEJAP 

DI TEPAT ME KETEKENKU 

DI DIATE KIN PEDAH 

LIT KAP LALAP GELEMENKU 

E UKURKU NGGO MEGAH

Si Nusurkenca: Pdt. M. Joustra

KEE 34

Lirik Kitab Ende-Enden GBKP No. 34

Ola Mbiar Susah Ate

1.

OLA MBIAR SUSAH ATE, ARAH PICET KU SENANG 

LABO KITA ANAK MATE, TAPI ENGGELUH KU T'RANG

IBAS DONI KESUSAHEN, PICET SAKIT MESERA 

IBAS SURGA KERIAHEN, LALIT JELMA SI PERA 

DI NANAMI SI MEHULI, KESENANGEN SI TETAP 

IBAS SURGA NGGO I APULI, LANAI TANGIS KITA KAP

Si Nusurkenca: Pdt. M. Joustra

KEE 33

Lirik Kitab Ende-Enden GBKP No. 33

Dibata Nandaisa

1.

DIBATA NANDAISA, SI TEK MAN BANA E 

LIASNA NANDANGISA, SENANG AKAPNA ME 

I SAMPATINA IA, IBAS KINISERAN 

GELUHTA MATE GIA, LA BANCI LANG SENANG 

GELUHTA MATE GIA, LA BANCI LANG SENANG

Si Nusurkenca: Pdt. M. Joustra

KEE 32

Lirik Kitab Ende-Enden GBKP No. 32

I Jadah Min

1.

I JADAH MIN, 

JE LALIT ILUH MAMBUR 

JE LA LIT KEBIAREN TAH SUIN 

JE SENANG ATE RUSUR 

I JADAH MIN I JADAH MIN

 

2.

MEHULI JE! 

NGGO PULUNG JE TEMANTA 

SI NGGO LEBEN LANAI ERSALAH JE 

JE JUMPA RAS TUHANTA 

MEHULI JE MEHULI JE 

3.

KU JADAH MIN! 

I JENDA KEGELAPEN 

MERINCUH BUJUR MAMANG UKUR KIN 

JAH TETAP UKUR KAPEN 

KU JADAH MIN KU JADAH MIN 

4.

JAH KAM KEPE, 

PEMATANG KEGELUHEN 

DI AKU BENGKET KESENANGEN E 

JE LANAI ME ILUHEN 

RAS KAM KEPE RAS KAM KEPE

Si Nusurkenca: Pdt. M. Joustra

KEE 31

Lirik Kitab Ende-Enden GBKP No. 31

Adilah Tuhanku

1.

ADILAH TUHANKU 

SI METEHSA E 

ADI IA KAP TEMANKU 

'DI KU INGET IA PE 

LA LIT KESUSAHEN 

TAPI KELENG ATE KERIAHEN 

2.

ADILAH TUHANKU 

SI METEHSA E 

LANAI GIA KAI PE BANGKU 

NGIKUT AKU LALAP PE 

KALAK SENANG GIA 

LABO LEJA KURKU KERNA IA 

3.

JA ME KAP TUHANKU 

JE INGANKU PE 

PEMERENA JE MAN BANGKU 

LALAP KERAJANGKU E 

DATEN KESENANGEN 

KEGELAPEN JADI TERANG KAPEN

Si Nusurkenca: Pdt. M. Joustra

KEE 30

Lirik Kitab Ende-Enden GBKP No. 30

Ibabo Doni La Lit Kap

1.

I BABO DONI LA LIT KAP 

MAN BANGKU INGAN SI TETAP 

BAGI KESILANG AKU JENDA 

ERDALIN AKU LANGA SEH 

I AJAR TUHAN LAH KU TEH 

INGANKU LABO DONI ENDA 

KESILANG GIA AKU JE 

INGANKU TUHU SURGA E 

2.

SUNG LA TERIDAH LANGIT KAP 

SUNG MATAWARI PE GELAP 

BAN ITAMBURI EMBUN T'RANGNA 

MAUN UDAN MEKELEK MEDER 

I LAU MBELIN MENAM GEDER 

MEGATI PE KERI SERANA 

MELUNGUN SUNG PE DALIN E 

EMAKA MESERA KAL JE 

3.

AMINNA MESERA KAL JE 

LA KURANG IBAS DALIN E 

PERKUAH ATE DIBATANTA 

I DARAT GIA MESERA 

IBAS I APUL TUHAN KA 

PENGAPUL E LA KURANG BANTA 

MERIAH RAS TUHANTA E 

SI NARUH KAP KU SURGA PE

Si Nusurkenca: Pdt. M. Joustra

KEE 29

Lirik Kitab Ende-Enden GBKP No. 29

Ola Mbiar O Tendingku

1.

OLA MBIAR O TENDINGKU 

DIBATA NDU RAJA KAP 

KAI PE SALIH I DONI ENDA 

TUHAN SAJA SI TETAP 

2.

KITA JELMA MBUE UKUR 

NINTA BANTA MESERA 

K'RAJANG KALAK MENGGA ATETA 

KENCA DAT LANAI NGENA 

3.

OLA MBIAR O, TENDINGKU 

BABALAH K'RAJANGNDU E 

KU DIBATALAH UKURNDU 

LANAI ATE ENDELE

Si Nusurkenca: Pdt. M. Joustra

KEE 28

Lirik Kitab Ende-Enden GBKP No. 28

Bagi Belkih Kenca Luah

1.

BAGI BELKIH KENCA LUAH 

E NDARAMI LAU ME KAP 

BAGE PE TENDINGKU ENDA 

NDARAM TUAH SI TETAP 

O, BAPANGKU NDIGAN KIN 

BANCI AKU REH PAGIN 

NGADAP I LEBE-LEBE NDU 

JANAH NGIDAH T`RANG AYO NDU 

2.

O, TENDINGKU NGKAI KAM CEDA 

NGKAI MAKANA ENDELE? 

ARAP BAGI MBARU ENDA 

PUJI KA TUHAN NDU E 

SABAB KEKELENGEN NA 

`RBANCA MAKA MESERA 

PAGI SALIH JADI TUAH 

PUJI BAPA SI MEKUAH 

3.

TUHAN KIN SI MASANGKENCA 

EM KAP KINITEKEN NDU 

NGGIT NGE AKU MBELASKENCA 

IBAS `NDE-ENDENKU 

SANGA MBAGES BERNGI PE 

AKU MUJI TUHAN E 

TAH KUGAPA KERAJANGKU 

KU DIBATA PERTOTONKU

Si Nusurkenca: Pdt. M. Joustra

KEE 27

Lirik Kitab Ende-Enden GBKP No. 27

Pujiken Tuhan Dibata

1.

AJAR AKU O, BAPANGKU 

NGIKUT SAJA PENARUH NDU 

NGARAP BANDU SI TETAP 

JANAH RENDE I GELAP 

JANAH DENGKEH AJAREN NDU 

RAS MEGIKEN PE PEDAH NDU

 KUTERA LAH DUNGNA NGE 

SINIK BAGI ANAK NDU E 

2.

AJAR AKU O, BAPANGKU 

PICET GIA KERAJANGKU 

OLA ATEKU MIN NDELE 

TAPI TEK PADAN NDU E 

AJAR AKU NUNGSANG DOSA 

RUSUR AKU ME MINDOSA 

O, DIBATA SI NGGELUH 

BAN UKURKU MIN NTEGUH

Si Nusurkenca: Pdt. M. Joustra

KEE 26

Lirik Kitab Ende-Enden GBKP No. 26

O, Tuhanku Ajar Aku

1.

O,TUHANKU AJAR AKU 

ARAH KATA RAS KESAH 

MAKA KU ETEH RANAN NDU 

JANAH KU IKUTKEN LAH 

AKU MIN TARUHKEN KAM 

ARAH DALIN MEHULI 

KU PIMAI LALAP KAM 

EMAKA AKU I APULI 

2.

KEKELENGEN DIBATANTA 

LA ERSIBAR LA `RKERIN 

AMIN PAPAK GIA KITA 

TUDUHKEN NA DALIN KIN 

KALAK ITARUHKEN NA 

ADI LEMBAP ME UKURNA 

UKUM I AJARKEN NA 

MAN SI NEMBAH RUSUR BANA 

3.

SI NGIKUTKEN DIBATANTA 

DATEN KEREMBAKEN NA 

T`RANG IBASSA PEDAH KATA 

PADAN I PADANKEN NA 

MATA UKUR NARE KAP 

LAH KUIDAH DIBATANGKU 

E SI NARUH SI TETAP 

SI NUDUHKEN DALIN BANGKU

Si Nusurkenca: Pdt. M. Joustra

KEE 25

Lirik Kitab Ende-Enden GBKP No. 25

Kam Ku Kelengi Tuhan Si Tetap

1.

KAM KUKELENGI TUHAN SI TETAP 

MEGATI I BEGI KAM PERTOTONKU 

LA LEJA KAM NDENGKEHKEN PEMINDON KU 

NGGIT KAM NAMPATI AKU I GELAP 

2.

SANGANA AKU I KINISERAN 

E MINTER I ALEMI KAM ATEKU 

KUAKAP NTABEH MALEM ME ATEKU 

LA AKU `RBANCA TAPI KAM TUHAN 

3.

O,BAPA ALU PENDAHIN KAI KIN 

KUBALAS K`RINA PEMERE NDU BANGKU 

E KIDEKAH GELUHKU BAS RUMAH NDU 

KU SEHKEN BANDU NDE-ENDEN PUJIN 

4.

E TUTUS MIN UKURKU E KU KAM 

GELUHKU KU ENDESKEN IBAS TAN NDU 

KUTERA PE KUARAP SAJA BANDU 

PENALEMENKU RAS BAPANGKU KAM

Si Nusurkenca: Pdt. M. Joustra

KEE 24

Lirik Kitab Ende-Enden GBKP No. 24

Dibatalah Si Pekenasa

1.

DIBATALAH SI PEKENASA IA SI ARAP GELAH MIN SABAB DI JADI MEKELESA LIT KECION IBAS SA KIN �DI TEK NGENEHEN BAPA NDAI KAI NARING KEBIARTA E E MBIAR PE LA LIT GUNANA �DI JUNGUT-JUNGUT PE BAGE TAH TANGIS GIA �BAN SERANA LA KAL KEPE TERAKAP E ADINA REH PE PERCUBAN TONTONKU BANA LAH KUBAN E LIT NGE SADA DALIN NGENCA KU TUHAN LAH UKURNDU E ADI MELING IBAS GELUHTA ISAMPATINA KAM KEPE DI KINITEKEN NDU TETAP JUJUREN TUHAN SI GEJAP DAGINA PEGEDANG ATE NDU UKUR NDU NUHIT KU DAHIN KUGA PE MALEM ME ATE NDU MEGENGGENGLAH, ERTOTO MIN DI TARE KU BAPANTA �DAS LIT LALAP KAP TEMANTA RAS

Si Nusurkenca: Pdt. M. Joustra

KEE 23

Lirik Kitab Ende-Enden GBKP No. 23

O, Bapa La Terimpit Kam

1.

O, BAPA LA TERIMPIT KAM 

IDAS I DONI E PELANG 

KAM SAJA SI ATEKU NGENA 

LA LIT SI DEBAN SI ERBANCA 

MAKANA MALEM MESERA 

TAH PICET ENTAH KUTERA 

KAM LALAP PEMATANGKU KIN 

K'RAJANGKU LA 'RKERI-KERIN 

2.

ENDEKENLAH KU KAM DAGE 

'DI MBIAR AKU TAH NDELE 

KAM SI MEPARAS I KELENGI 

SABAB SANGANA TENGAH BERNGI 

NGGO ITEGU KAM AKU KAP 

NARUHKEN AKU IDUR G'LAP 

KU DALIN MEKELEK SENANG 

KUIDAH JE AYONDU T'RANG

Si Nusurkenca: Pdt. M. Joustra

KEE 22

Lirik Kitab Ende-Enden GBKP No. 22

Idas Deleng Dibata

1.

IDAS DELENG DIBATA 

TERUH I LAUT KEPE 

KUJAPA LAWES KITA 

I JE DIBATA PE 

DIKABANG UKUR GIA 

TAH NDAUH TAH NDEHER E 

TERUH I DATAS IA 

DIBATA JAPAPE 

2.

TETAP ME KAP MATANA 

NGENEHEN K'RINA NGE 

SI NGIKUT PERKATAN NA 

ISAMPATI NA E 

JUJUREN NA TERAKAP 

IBAS SI TURAH KIN 

ASA NGGELUH ME LALAP 

PUJIKEN TUHAN MIN 

3.

SI LIT BAS AWANG-AWANG 

SI MUIT IBAS LAU 

SI NJOLER RAS SI KABANG 

SI NDEHER RAS SI NDAUH 

TAH MATAWARI, BULAN 

RAS BINTANG SI TERANG 

PUJINA NARING TUHAN 

BAN ATE SI SENANG 

4.

TEK K'RISKEN JAPA GIA 

DIBATA ME KEPE 

DI PICET JE KAP IA 

DI SUSAH NAMPAT PE 

PENAMPAT KALAK KURANG 

DIBATA NDEHER E 

K'RAJANGTA 'BANNA NAHANG 

DIBATA JAPA PE

Pdt. E. J. Van Den Berg

KEE 21

Lirik Kitab Ende-Enden GBKP No. 21

O, Tuhan Si Erkuah Ate

1.

O,TUHAN SI ERKUAH ATE 

MAN KAMI SI PERDOSA E 

IPUJI KAMI ME GELAR NDU 

PERBAN LIAS NDU MBELIN E 

DENGKEHKEN SORA KAMI E 

BEGIKEN TOTON KAMI PE 

2.

IBAHAN KAM KAP PURPURSAGE 

NASAPKEN DOSA KAMI E 

EM KAP ERBAHAN PENANGTANGEN 

MAN KAMI SI TERTABAN E 

ERMENGKEH ATE BANDU E 

O, TUHAN BAPA KAMI E 

3.

REH KA PE KESAH SI BADIA 

ISURUH KAM KU KAMI KA 

PETEGUH KINITEKEN KAMI 

KAMI SI NGGO I PILIH KAM 

PERBAN SI E SEH BANDU NGE 

PUJIN RAS SEMBAH KAMI E 

4.

I SEHKEN KAMI BUJUR BANDU 

O, TUHAN O DIBATANGKU 

LABO ATENDU KAMI BENE 

TAPINA GELAH TERKELIN 

PETETAP UKUR KAMI E 

AMIN NA MASAP DONI E 

5.

TAH KEMATEN TAH KEGELUHEN 

TAH SUI ATE SUSAH PE 

LABO TERBANCA KAMI SIRANG 

RAS LIAS ATE NDU TUHAN 

TAPINA KAM M'RE GEGEH E 

MENANG ME TUHU AKU PE

Si Nusurkenca: Gr. Ag. N. Sinuraya